Entrevistes

Aitor García Corte 25 aniversariu oficialidá Bimenes

García Corte: “Piñán ye la persona indicada pa lleer el pregón del 25 aniversariu de la declaración d’oficialidá”

Hai 25 años nacía l’espíritu de Bimenes. El Conceyu yerbatu declaraba la oficialidá del asturianu, torgada a lo poco nos tribunales, que nel 2016 volvía a proclamar yá con Aitor García Corte (Xixón, 1980) al frente del Consistoriu, alcalde que prepara con ciñu la Fiesta de la Oficialidá del sábadu na que la conseyera va lleer el pregón.

Videoclip 'El barquín' d'Alicia Álvarez

Alicia Álvarez: “Los mieos puen protexenos, pero tamién puen llimitanos; hai que vencelos pa que nun nos coarten”

‘El barquín’ ye’l cantar escoyíu por Alicia Álvarez (Xixón, 1979) pa grabar un videoclip del so discu-llibru ‘Kikirikikí’ (La Fabriquina) col Muelle como escenariu. D’esta forma celebra la bona receición d’esta obra que fala de los sentimientos, les emociones o los mieos, como ye’l casu de la canción que protagoniza esta pieza audiovisual.

Xune Elipe 'Ente la niebla'

Elipe: “Con ‘Ente la niebla’ nun fiximos otro que ser fieles a la filosofía cola que nacimos y que nos acompañó estos años”

“Ye un exerciciu de memoria colectiva que creyemos necesariu”, apunta Xune Elipe (Villalegre, 1962), sobre ‘Ente la niebla’, el llibru-discu de Dixebra que cuenta y canta la historia de les clases populares asturianes. Una edición de luxu con parte lliteraria, artística y, cómo non, musical col sellu tan carauterísticu d'una banda con 35 años de vida.

Miguel Rodríguez Monteavaro

Monteavaro: “A xente escritora ten que salir e ver lo que as nosas lliteraturas poden ofrecer á lliteratura universal”

A ‘Beca Asturies de Lliteratura Asturiana en Residencia’ permitíu a Miguel Rodríguez Monteavaro (Bual, 1990) tar na Residencia Literaria 1863, na Coruña, todo el mes de dicembre pra dedicarse al sou proxecto multidisciplinar ‘A luz, Orión e a nova luz’. Úa iniciativa “ideal pra fer ver que necesitamos certa profesionalización nel noso oficio”, asegura.

Miguel Ángel Presno Linera

Presno: “La oficialidá, amás d’un costu d’implantación, implicaría tamién la xeneración de recursos”

Esta selmana’l caderalgu de Derechu Constitucional de la Universidá d’Uviéu, Miguel Ángel Presno Linera (A Veiga, 1965), espublizaba una propuesta de redaición del artículu 4 pal Estatutu. En plenu procesu de negociación pa la reforma de la norma, analizamos xunto col espertu al que Podemos-y encargó l'informe de los 3/5 delles cuestiones sobre la oficialidá.

Anthony Carreño

Carreño: “La xeneración actual, los nietos de los emigrantes a Tampa, llucha por preservar la cultura asturiana”

Tampa, en Florida, foi un importante llugar d’emigración asturiana a lo último del sieglu XIX y lo primero del XX. Anthony Carreño (Tampa, 1948), nietu d’emigrantes y direutivo del Centro Español de Tampa, gran referente xunto col Centro Asturiano, tuvo recién de visita a Asturies con motivu de la esposición ‘Emigrantes invisibles’ sobre los españoles que buscaron el so futuru nos Estaos Xuníos, que se pue visitar hasta’l 6 de febreru nel xixonés Antiguu Institutu.

Xosé Miguel Suárez Fernández 'Tapia'

Suárez: “El modelo d’impunidá penal sigue en pé; tentéi de feryes ás víctimas outra clas de xusticia, máis modesta”

‘Como augua de torbón. Guerra civil y represión franquista nel estremo noroccidental d'Asturias’ é un llibro que tenta de reivindicar a memoria das cerca de 800 víctimas de represión documentadas na zona noroccidental d'Asturias despóis da súa ocupación polas tropas sublevadas en 1936. El sou autor é Xosé Miguel Suárez Fernández (Mántaras, 1965), que presenta a súa obra este mércoles ás 19.30 hores en Trabe.

Carlos Pulgar

Pulgar: “El 16-O tien que ser una ilusión pa tol mundu que participó per décades na reivindicación; tamos na meta final”

Amor, optimismu, pluralismu, llibertá, democracia…, son dalgunos de los ingredientes que conformen el mensaxe que va llanzar esti sábadu n'Uviéu (12 hores, Estación del Norte) la sociedá asturiana. La ciudadanía va salir a la cai esti 16-O una vegada más pa reclamar la oficialidá del asturianu y del gallego-asturiano, anque agora nun contestu mui diferente, del que falamos con Carlos Pulgar (Ḷḷena, 1975), voceru de la convocante Xunta pola Defensa de la Llingua Asturiana (XDLA).

Héctor Braga con Anton Chicote 2020

Héctor Braga: “Munchísimo más importante que los concursos y festivales sedría, al llargu plazu, regular la enseñanza de l’asturianada”

Una enciclopedia del cantar asturiano. Asina llegaron a definir, con aciertu, la tesis doctoral del cantautor y multiinstrumentista Héctor Braga (La Felguera, 1980), entitulada ‘La asturianada. Estudio etnomusicológico de un género vocal de tipología popular’, que recibió sobresaliente cum laude y de la que fala con amplitú nesta entrevista.

David Fernández Fernández

Fernández: “Sentir fútbol n’asturianu foi un pasu perimportante; hai que lluchar pola retresmisión d'otros deportes”

El deporte ocupa estos díes les portaes, hores de radio y televisión, y tamién los murios de les redes sociales pola celebración de los Xuegos Olímpicos de Tokiu. Pa facilitar l’emplegu correutu n'asturianu de les diferentes disciplines el filólogu David Fernández Fernández (Candás, 1981), que yá dedicara una propuesta al fútbol, ufre ‘Terminoloxía de deportes y pruebes olímpiques’ pal proyeutu TermAst.