Noticies a La Gueta

Llibru 'Bandeira moura' d'Alberto Castro Gión

L’escritor Alberto Castro Gión fai parada en Bual dientro de la so ruta pel occidente del país pa presentar ‘Bandeira moura’, la historia cola que ganó’l I Premio Quiastolita de Lliteratura Infantil en gallego-asturiano. Esta obra yá ta ta disponible en llibru gracies a la edición fecha pol Parque Histórico del Navia y la Conseyeiría de Cultura, Política Llingüística y Turismo.

Cubierta 'Boliescritu de primavera' de Xilberto Llano

La obra ganadora del XIV Premiu María Josefa Canellada de lliteratura infantil y xuvenil, correspondiente al añu 2021, yá tien llibru. Impronta edita ‘Boliescritu de primavera’, la historia que nos regala Xilberto Llano, que va presentar la so creación esti vienres n’Uviéu.

Gasoductos

Últimamente fálase muncho del gas natural con motivu de la guerra n’Ucrania. En ‘A la Gueta los Sueños’ préstanos aprovechar pa esplicate per aciu d’esti reportaxe cómo s’estrái y tresporta esti hidrocarburu, que se pue llicuar pa qu’ocupe munchu menos espaciu y poder tresportalu en barcos metaneros.

Nueche d'Ánimes

Esta nueche ye la Nueche d’Ánimes, xornada que na tradición celta marcaba’l pasu del branu al iviernu, cuando la escuridá gana a la lluz. A los nuesos díes llegó tamién como Difuntos, una celebración mui de nueso que caltién munches tradiciones magar que’l mediáticu Halloween estauxunidense ganara visibilidá nestes décades últimes.

'La sierva patrona', de Nun Tris

El Teatru Filarmónica va xubir per última vez el telón del VI Premiu y Festival Nel Amaro de Teatru Profesional en Llingua Asturiana y Gallego-asturiano cola representación de ‘La sierva patrona’. La obra de Nun Tris Producciones ye la cuarta finalista d’esti gallardón qu’esti añu miró pa histories empobinaes al públicu infantil y mozu.

'Aventurina l'ablana' de Factoría Norte

Factoría Norte va poner sobre les tables del Teatru Filarmónica ‘Aventurina l’ablana’ como tercer finalista del VI Premiu y Festival Nel Amaro de Teatru Profesional en Llingua Asturiana y Gallego-asturiano. Trátase d’un espectáculu de pequeñu formatu pa la reciella que tresmite un mensaxe de respetu a la naturaleza y al diferente.