La XIII UABRA, que torna a ser presencial, va celebrase n'El Campu

|
UABRA

Los cursos formativos de l'Academia de la Llingua Asturiana (ALLA), nel formatu actual como UABRA, creáronse nel 2010 y dende un entamu fixéronse en Cangas del Narcea.

La Universidá Asturiana de Branu (UABRA) va recuperar la normalidá esti añu depués de dos ediciones en llinia y la suspensión de la del 2020 por mor de la situación sanitaria pola pandemia de COVID-19. La del 2023, la decimotercera, vien amás acompañada d'un cambiu de sede: El Campu, la capital del conceyu de Casu, va ser el llugar de celebración de les clases.

La institución académica va abrir próximamente la matrícula pa esta iniciativa que cuenta cola collaboración de la Universidá d'Uviéu y qu'ufre dos posibilidaes: la formación llingüística en dos niveles, básicu y avanzáu, que cuenten con dos selmanes de llargor, y los cursos d'afondamientu cultural y llinguísticu, que se desenvuelven de llunes a vienres. A ellos hai que sumar los de 'Capacitación docente n'eonaviego', qu'estos años celebráronse n'A Caridá.

Contador Estadistiques