Selmana de les Lletres Asturianes

El xueves rexistráronse 112 casos de COVID-19

|
Palaciu de Deportes vacunación

La tasa de positividá diaria asitióse nun 5,27 por cientu. Hai que llamentar la muerte d'una muyer del 73 años na xornada, la 1.946 del andanciu.

A falta de la espublización de los datos oficiales de la COVID-19, la Conseyería de Salú comunicó 112 casos nuevos ayeri. Son 11 más que'l miércoles.

Fixéronse 2.981 pruebes de diagnósticu d'infeición activa, polo que la tasa de positividá quedó nel 5,27 por cientu, tamién superior a la de la xornada anterior, cuando foi del 5,11 por cientu. A 7 díes esti porcentaxe taba nun 5,22 por cientu –ayeri baxó al 5,08 por cientu–.

Una muyer de 73 años finó cola enfermedá causada pol coronavirus SARS-CoV-2, polo que son yá 1.946 les persones que morrieron dende qu'entamó l'andanciu. Hai hospitalizaes 155 pacientes con confirmación o sospecha de COVID-19, 6 menos que'l miércoles, a los qu'hai que sumar los 59 que tán na UCI, mesma cantidá que'l día previu.

Na semeya, persones esperen en filera'l so turnu esta mañana pa vacunase nel Palaciu de Deportes de Xixón.

Contador Estadistiques