Selmana de les Lletres Asturianes

Confírmase'l descensu de los contaxos: 84 de media na selmana última y 41 rexistraos esti domingu

|
Vacunación con Janssen

La cifra de casos nuevos detectaos na xornada última ye la más baxa dende setiembre.

La curva de la pandemia, depués de mes y mediu en meseta, torna a baxar. Los númberos de la selmana pasada, que se zarró ayeri con 41 positivos, confirma esi descensu de contaxos.

Entamó con 50.340 casos –50.335 tres la revisión de datos– y finó con 50.927, lo que supón 587 nestos 7 díes. La media son 84 diarios, polos 115 de l'anterior, cuando hebo 802.

D'esta forma vese un primer descensu importante depués de delles selmanes baillando ente 113 y 126. Asina, la evolución na tercer fola ye la siguiente: 78, 101, 167, 292, 421, 482, 383, 226, 154, 135, 144, 113, 113, 119, 115, 121, 126, 115 y 84.

Amás, la tendencia confirmóse ayeri colos 41 casos rexistraos, la cantidá más baxa dende'l 9 de setiembre, nel entamu de la segunda fola, cuando hebo 25 –1 más de los 24 comunicaos nel so día tres una revisión– y el total de la serie quedaba en 3.780 casos. El vienres, mentes, detectáronse 74 contaxos y el sábadu, 80, que ponen el total de la fin de selmana en 195 –2 menos n'actualización por mor d'un duplicáu del sábadu y otru d'un día previu–, cuando l'anterior quedó en 315.

La tasa de positividá diaria asitióse nel 5,7 por cientu'l vienres (2.088 pruebes de diagnósticu d'infeición activa), del 5,03 por cientu'l sábadu (2.047) y del 3,26 por cientu ayeri (1.812). A 7 díes, esti porcentaxe, a falta de l'actualización última de los datos oficiales, ye del 4,76 por cientu cuando'l xueves taba nun 5,08 por cientu –finalmente sigue la tendencia descendente al quedar nun 4,54 por cientu tres l'anuncia de los datos oficiales del día–.

Un fináu

Nes trés xornaes últimes hebo que llamentar una muerte'l vienres, d'un home de 85 años. Ye la 1.947 del andanciu.

141 pacientes tán hospitalizaos con confirmación o sospecha de COVID-19, a los qu'hai que sumar 54 ingresaos na UCI. Son 14 y 5 menos que'l xueves, de manera respeutiva.

Na semeya, un home mayor de 70 años recibe la vacuna de Janssen.

 

Contador Estadistiques