El miércoles ameyoren les cifres: 24 contaxos

|

Los datos oficiales de la COVID-19 que comunica Salú mengüen la cantidá a 22.

La conseyería, sicasí, confirmó 24 positivos nuevos por coronavirus diagnosticaos ayeri. Esta cifra ye bastante inferior a la del martes, cuando se rexistraron 65.

Colos 22 de los datos oficiales, la serie queda agora en 3.780 casos. D'ellos, ún necesitó hospitalización, mentes que'l restu son asintomáticos o presenten sintomatoloxía leve y permanecen n'aisllamientu nos sos llares.

Anguaño hai agora 9 persones na UCI, ún más que'l martes, y 35 en planta. No que respeuta a les curaciones, Salú comunicó una menos que na xornada anterior, quedando'l total en 2.193.

Dos biltos nuevos

Nel informe semanal de notificación al Ministeriu de Sanidá la conseyería informó de dos biltos nuevos, "dambos controlaos y en siguimientu de contautos". El total de casos venceyaos a brotos hasta la fecha ye de 250, con 349 persones en vixilancia.

Contador Estadistiques