Alcaldes Mancomunidá de la Sidra nel LI Festival Interceltique de Lorient

Los alcaldes de la Mancomunidá de la Sidra sofitaron n'An Oriant la candidatura ‘Cultura Sidrera Asturiana’

“Ésti ye ún de los meyores escaparates pa presentar lo que ye la cultura sidrera y la cultura d’Asturies”, declaró n'An Oriant Aitor García Corte, alcalde de Bimenes. Él y otros cuatro primeros ediles de la Mancomunidá ‘Comarca de la Sidra’ desplazáronse a Breizh pa presentar nel Festival Interceltique de Lorient la candidatura ‘Cultura Sidrera Asturiana’ a Patrimoniu Cultural Inmaterial.

Joaquín Pixán

Pixán actúa na basílica de Cuadonga pa estrenar ‘El nacimientu del reinu’

Un viaxe musical y lliterariu dende Lleón hasta Cuadonga nel que se convierten testos de nueve escritores y poetes en cantares y una cantata. Ye la propuesta del tenor Joaquín Pixán con ‘El nacimientu del reinu’, conciertu creáu a costafecha pa la conmemoración Cuadonga 2022 pa celebrar los 1.300 años de la batalla.

Cartelu Asturies nel LI Festival Interceltique de Lorient

“Les autoridaes vieron el munchu interés que tien Lorient más allá del romanticismu del festival”, asegura Santianes

La “actitú, profesionalidá y comportamientu” amosada polos artistes y bandes asturianes y el “bon sabor de boca” que dexaron les sos propuestes na organización y el públicu son los aspeutos que más rescampla Iñaki Santianes, responsable de la delegación asturiana, nel LI Festival Interceltique de Lorient. Un certame qu’algamó récor de públicu nel Année des Asturies, con 900.000 visitantes nos sos 10 díes de programación, y que l’añu qu’entra va tar dedicáu a Éire.

Berta Piñán nel LI Festival Interceltique de Lorient

“Hasta que nun lo ves, nun dimensiones lo que ye esti festival intercélticu”, apunta Piñán

Dende’l sábadu 6 al martes 9 tuvo presente en Breizh la conseyera Berta Piñán, “una esperiencia impagable no coleutivo y non personal”. “Hasta que nun lo ves, nun dimensiones lo que ye esti festival intercélticu”, afirmó la responsable de Cultura, Política Llingüística y Turismu, que confirma l’apoyu futuru pa la delegación asturiana d'un certame del que salen tamién alcuerdos comerciales.

Algaire nel LI Festival Interceltique de Lorient

Algaire trai’l Trophée Loïc Raison de talentos nuevos p’Asturies

Amás de completar dos actuaciones col públicu entregáu, mayormente bretón, nel pabellón d’Asturies nel LI Festival Intercélticu de Lorient, Algaire tamién participó nel Trophée Loïc Raison de talentos nuevos, con victoria. El cuartetu, reforzáu con batería y baxu, llegó a la final xunto a trés bandes de Breizh.

“Ye mui importante qu’Asturies s'asitie nesti festival”, asegura Barbón

“Ye mui importante qu’Asturies s'asitie nesti festival”, asegura Barbón

El Festival Interceltique de Lorient avanza nel Année des Asturies con ésitu de públicu y un gran ambiente. Una atmósfera especial que pudo descubrir el presidente Adrián Barbón, qu'avanzada la xornada aseguraba que “ye mui importante qu'Asturies s'asitie nesti festival".

Vázquez Cárcaba devuelve el Mac Crimmon a Asturies

Vázquez Cárcaba devuelve'l Mac Crimmon a Asturies

El LI Festival Interceltique de Lorient entamó de la meyor manera pa la delegación asturiana nel añu na que ye convidada d’honor. El gaiteru sierense Fernando Vázquez Cárcaba ganó’l XXV Trophéee Mac Crimmon, que vuelve asina a Asturies depués del últimu trunfu gallegu.

Puestu Iniciativa pol Asturianu LXIV FIDMA 2021

Amplíase la presencia d’empreses con productos n’asturianu nel puestu d’Iniciativa na FIDMA

De 9 a 13. El númberu d’empreses con productos y servicios n’asturianu que vien acoyendo estos últimos años el puestu d’Iniciativa pol Asturianu na Feria Internacional de Muestres d’Asturies (FIDMA), qu'abre les sos puertes el sábadu, amplíase nesta edición, na que VerAsturies tamién va contar con un espaciu propiu.

 ‘La cultura sidrera, esencia d’Asturies. Conexión natural’

La cultura sidrera y la llegada de la velocidá alta centren la temática del pabellón del Gobiernu na FIDMA

Col títulu billingüe ‘La cultura sidrera, esencia d’Asturies. Conexión natural’ preséntase la esposición d’esti añu del pabellón del Gobiernu na LXV Feria Internacional de Muestres d’Asturies (FIDMA). Pretende reflexar la tresformación del país “al traviés de dos elementos vertebradores del territoriu: la sidra y el ferrocarril”.

Guia del ociu pa güei

Festival Internacional de Piano Jesús González Alonso: Pavel Gintov
Localidá: Xixón
Sitiu: Teatru Xovellanos
Tipu d'eventu: Música
Cualladó
Localidá: Avilés
Sitiu: Sala de Fotografía del Centru Cultural Internacional Oscar Niemeyer
Tipu d'eventu: Esposiciones
'Érase una vez y otras historias corrientes', de Concha Prada
Localidá: Avilés
Sitiu: Plaza del Centru Cultural Internacional Oscar Niemeyer
Tipu d'eventu: Esposiciones
'Añoranzas', de Carmen Infanzón
Localidá: El Franco
Sitiu: Sala d'Esposiciones del Conceyo del Franco
Tipu d'eventu: Esposiciones
LXV Feria Internacional de Muestres d'Asturies (FIDMA)
Localidá: Xixón
Sitiu: Recintu Ferial Luis Adaro
Tipu d'eventu: Otros