Noticies a La Gueta

‘El grúfalu’, un “referente na lliteratura infantil actual”, yá tien torna al asturianu

Cubierta 'El grúfalu'

Bruño, editorial encargada de les traducciones al asturianu d’Astérix, fai una apuesta nueva pol idioma. Asoleya ‘El grúfalu’, llibru de la escritora inglesa Julia Donaldson que ye “un referente na lliteratura infantil actual”, esplica Xesús González Rato, responsable d’esta torna que cuenta coles ilustraciones orixinales d’Axel Scheffler.

Lleer más

El Veranu Lliterariu axunta a un añu más en Corvera a los llectores más mozos colos sos autores favoritos

María Esther García López nel Veranu Lliterariu 2021

La Casa de la Llingua del Conceyu de Corvera tien en marcha la novena edición de Veranu Lliterariu, el programa de promoción de la llectura n’asturianu ente los más mozos con sede nel Centru Sociocultural de Les Vegues. Los llunes de xunetu y agostu un escritor acude al conceyu pa celebrar un alcuentru colos sos pequeños siguidores y aldericar sobre una de les sos obres.

Lleer más

Yá ta equí San Xuan

Yá ta equí San Xuan

La nueche del 23 de xunu, la Nueche San Xuan, ye máxica. Celebramos el solsticiu de branu y facemos cultu al fueu y al agua nesta folixa de raigañu celta, esti añu marcada pola ausencia de fogueres multitudinaries, anque aumenten les fontes engalanaes.

Lleer más

‘Lleer presta’: 4.000 exemplares pa les biblioteques de les escueles

Obres ganadores del Premiu María Josefa Canellada de lliteratura infantil y xuvenil

La Conseyería de Cultura, Política Llingüística y Turismu entama la campaña de distribución de llibros n'asturianu y gallego-asturiano entitulada ‘Lleer presta’. Los primeros destinatarios son 301 centros educativos del país, que van recibir 4.000 exemplares esti mes.

Lleer más

Política Llingüística caltién la campaña #Apúntate p’animar a la matriculación n'asturianu y gallego-asturiano

Cartelu campaña #Apúntante 2021 gallego-asturiano recortada

Yá ta camín de los colexos la cartelería impresa de la campaña añal qu’entama la Direición Xeneral de Política Llingüística p’animar a la matriculación en Llingua Asturiana y en Gallego-asturiano. Repítese la del cursu pasáu, de nome #Apúntante, que va tornar a tener espacios na televisión y na radio, amás de nes redes sociales.

Lleer más

“El fechu de poder presentar un llibru n’asturianu yá ye un ésitu”, apunta Ester Sánchez

'Xosefa de Xovellanos' de Vicente García Oliva

Per primer vegada, una obra editada n’asturianu aspira al Premiu a los Llibros Meyor Editaos qu’entama’l Ministeriu de Cultura y Deporte. Ye’l llibru de Pintar-Pintar dedicáu a Xosefa de Xovellanos, de Vicente García Oliva, editorial que celebra esti pasu, pero que llamenta los munchos trabayos “que nun pudimos presentar” nel pasáu.

Lleer más