Postres asturianos

Hai una cosa que nun se pue negar: les asturianes y asturianos somos mui llambiones. A tola xente que pasa unos díes n’Asturies lláma-yos anterior la cantidá de confiteríes qu’hai nes nueses cais y la calidá de los nuesos productos, pero más allá d’ello, namái fai falta ver les nueses tradiciones para decatanos la importancia que tienen los postres asturianos nelles.

Frixuelos, picatostes, casadielles, arroz con lleche…, son munchos los alimentos que se venceyen con folixes como l’Antroxu, los aguilandos, la Navidá o diferentes fiestes populares, anque quiciabes éstos son los más populares. Llueu atopamos otros de calter más llocal, anque non menos conocíos, como les marañueles, el panchón o los carbayones.

Frixuelos
Frixuelos.
¿Sabíes qué…? Les mazcaraes d’iviernu van poles cases de los pueblos pidiendo l’aguilandu. Reciben ente otres coses, productos típicos d’estes feches como frixuelos y casadielles que preparen los vecinos.

Ye’l tiempu fríu, d’iviernu, onde más presencia tienen los frixuelos, un postre que se venceya sobre manera col Antroxu al igual que les picatostes –tayada de pan, moyada en lleche y azucre, rebozada con güevu y frita–. Llamaos fayuelos en dalgunes zones, lleven farina, güevos, lleche, llimón, anís y azucre, y tuéstense en sartén

Tamién d’époques de fríu son les casadielles, con consumu en seronda pa Difuntos y n’iviernu pal Antroxu, anque tol mundu rellaciónales más cola Navidá. La mecedura de nuez, ablana, azucre y anís que tien nel so interior ye la so gran carauterística; ésta ta cubierta por una masa de forma allargada con azucre perriba.

Xurde, CC BY-SA 2.0 <https://creativecommons.org/licenses/by-sa/2.0>, via Wikimedia Commons
Casadielles.
¿Sabíes qué…? Otra tradición con muncho raigón n’Asturies ye la entrega del bollu o pegarata a los afiaos y afiaes. Son dulces que se regalen en Domingu Santu que pueden dir dende empanaes a xicolates o pasteles.

L’arroz con lleche, mentes, ye un vieyu postre habitual nes cases asturianes que se consume tol añu y que nunca falta en nengún restorante d’Asturies nin de los de cocina asturiana que tán per tol mundu. Anque nun ye una creación esclusiva del país, el mou de preparación, qu’obliga a tar per hores batiendo y cociendo’l lleche, lo que da esa cremosidá’l productu, ye la so principal marca diferenciadora.

De xuru que, aparte d’estos cuatro, conoces otros munchos postres asturianos que mereceríen dir nesta ficha, munchos de marcáu calter llocal. Asina tenemos el panchón, típicu d’Ayer, que consiste nuna mecedura de megollu de pan d’escanda, mantega y azucre; les marañueles, de la zona del Cabu Peñes, una especie de galleta fecha con güevos, azucre, mantega y fariña que se fai enrollando tires de pastia en diferentes direiciones en forma de nudu marineru; o los carbayones, n’Uviéu, pastel más modernu de forma allargada fechu con almendra, azucre y güevu… Una llista práuticamente interminable.

  • ¿Qué otros postres asturianos conoces?
  • ¿En qué feches se consumen los frixuelos y les casadielles?
  • ¿Qué productos son los más habituales nos postres equí citaos?
  • ¿Cuál ye’l qu’a ti más te presta y por qué?

 

Enllaza estos castiellos en diferentes époques, dalgunos yá desapaecíos, col conceyu al que pertenecen:

Arroz con lleche
 
Picastoste
 
Casadiella
 
Marañuela
 
Panchón
 
Panchón
 
cremosu
pan
nuez
nudu
escanda
redondu