Selmana de les Lletres Asturianes

Un mosaicu con banderes va tomar forma na plaza de la Catedral d'Uviéu pa reclamar la oficialidá

|
Bandera Oficialidá n'Ortigueira

La situación pola pandemia obliga per segundu añu a nun entamar la manifestación pola oficialidá con motivu del Día de les Lletres Asturianes. Por esta razón la XDLA organiza una concentración pal día siguiente, el sábadu 8, na que se va formar un mosaicu n’Uviéu con banderes qu’amuesen un corazón cola pallabra ‘Oficialidá’.

Esti logu coloríu yá se dexó ver en dellos llugares de la xeografía asturiana estos díes nuna campaña del coleutivu cívicu en redes sociales pa crear interés sobre la convocatoria. Ésta lleva’l lema de ‘Oficialidá, yá’ y pasa del vienres pela tarde al sábadu al meudía, cola plaza de la Catedral como llugar d’alcuentru.

Pa facilitar la organización del eventu con toles midíes de seguranza pola COVID-19 la Xunta pola Defensa de la Llingua Asturiana (XDLA) llama a la xente interesada en participar a cubrir esti formulariu. Les 100 persones primeres n’apuntase van recibir de baldre una de les banderes que se van emplegar pa facer el mosaicu pa reclamar la oficialidá del asturianu y del gallego-asturiano.

Na semeya, una de les banderes n'Ortigueira.

Contador Estadistiques