Un contaxu más diariu na selmana pasada

|
Vacunación nel campus d'El Milán

Aumenta la cantidá rexistrada de 12 a 13.

Fraya la tendencia descendente na pandemia, anque les cifres siguen siendo mui asemeyaes. La selmana pasada contabilizáronse 93 casos nuevos de COVID-19, polos 82 de l'anterior.

En concreto, pasóse de 70.752 positivos confirmaos –aumentó en 1 depués d'una revisión– a 70.845, lo que supón 13 contaxos diarios de media, cuando na anterior foi de 12. Dende l'entamu de la cuarta fola la evolución d'esti datu foi la siguiente: 51, 57, 196, 448, 493, 423, 289, 194, 133, 77, 60, 42, 20 y 12, hasta los 13 actuales.

Tamién aumentaron los casos nuevos esta fin de selmana en comparanza cola anterior: 44 por 30. La Conseyería de Salú comunicó la detección de 11 el vienres, del 19 el sábadu y de 14 ayeri.

La tasa de positividá diaria d'esta xornada última quedó nel 1,66 por cientu. A 7 díes, esti porcentaxe yera'l xueves del 0,89 por cientu.

Cinco díes ensin finaos

Acumúlense cinco díes ensin finaos al nun rexistrase muertes esta fin de selmana. Un total de 19 persones tán hospitalizaes en planta con confirmación o sospecha de COVID-19, 4 más que'l xueves, mentes qu'hai otres 12 na UCI, 1 más.

Na semeya, puntu de vacunación móvil nel campus d'El Milán el vienres.

Contador Estadistiques