Salen a la venta les entraes pal conciertu fin de xira de Valle Roso

Va celebrase'l 15 de febreru nel avilesín Teatru Palacio Valdés y va contar cola presencia de convidaos especiales.

Les entraes pal conciertu col que Marisa Valle Roso va poner el ramu a la xira 'Consciente' yá tán a la venta. Dende esta mañana pueden mercase na Casa Municipal de Cultura d'Avilés, nos caxeros de Liberbank y na so plataforma web pa la merca de llocalidaes, a la que se pue acceder tamién dende la páxina oficial de la cantante.

El so preciu va dende los 14 euros, en xeneral, a los 25 del patiu de butaques, los palcos de la platea y les butaques del primer pisu. Entemedies, los asientos de los palcos del primer y segundu pisu cuesten 18 euros.