Revilla, Oramas y Esparza van participar nel congresu refundacional de Foro pa centrase n'Asturies

Esti sábadu Foro va dar un pasu hacia postures autonomistes cola celebración del IV Congreso Extraordinario de la formación baxo’l lema ‘Refundarse para centrarnos en Asturias’. Na cita, a la que van asistir de manera telemática Miguel Ángel Revilla (PRC), Ana Oramas (Coalición Canaria) y José Javier Esparza (UPN), va presentase logu anováu y van aprobase los estatutos nuevos del partíu.

Un total de 321 compromisarios van participar nel congresu, superando l’anterior celebráu en La Pola Siero nel 2018. L’orde del día del Congresu inclúi una Ponencia d’Estatutos pa refociar “los mecanismos de democracia interna, de control de les decisiones de los órganos y de seguridá xurídica y tresparencia nes actuaciones internes”, según rexistró’l documentu d’alcuerdu de convocatoria.

El desendolcu de la xornada va poder siguise n’abiertu dende les 10 hores na web de Foro. Na mesma van participar, sofitando esti pasu dau pol partíu presidíu por Carmen Moriyón, el presidente cántabru Revilla, la diputada canaria nel Congresu Oramas y el parllamentariu navarru Esparza.

Na imaxe, Moriyón, Oramas, Revilla y Esparza.