Marisa Valle Roso escosa les entraes pal conciertu del día 15 n'Avilés

L'actuación va poner el ramu a la xira 'Consciente' de la cantante llangreana.

Esta mañana colgóse'l cartelu de 'Nun hai entraes' pal conciertu del día 15 nel Teatru Palacio Valdés de Marisa Valle Roso. Doce díes enantes de la esperada cita, l'artista consigue vender les más de 700 entraes que componen l'aforu del recintu avilesín.

Los presentes van poder disfrutar de la actuación cabera de la xira 'Consciente', na que la llangreana va compartir l'escenariu con dellos convidaos de primer nivel. Asina, tienen confirmada la so presencia nel Palacio Valdés les Pandereteres de Fitoria, el Coro Minero de Turón, Nando Agüeros, les Pandereteres d'Escontra'l Raigañu, Rodrigo Cuevas, Eva Tejedor & Les Pandereteres, y el so hermano Fernando Valle Roso.