El día 10 remata'l plazu pa presentar trabayos al XXXII Premiu Teodoro Cuesta de Poesía

El Conceyu de Mieres caltién la recompensa de 4.000 euros pa la obra ganadora.

Esti añu adelantóse la convocatoria del Premiu Teodoro Cuesta de Poesía, qu'algama la so trentena segunda edición. Los escritores interesaos en participar tienen hasta'l martes 10 pa presentar trabayos, un máximo de dos per persona.

La convocatoria del concursu asoleyóse'l 19 de setiembre nel Boletín Oficial del Principáu d'Asturies (BOPA), abriéndose asina un plazu de 15 díes hábiles dende entós pa poder participar. El Teodoro Cuesta ye ún de los premios más prestixosu de les nueses lletres y nel so llistáu de ganadores apaecen los más reconocíos escritores de les décades últimes.

L'añu pasáu mereció esti concursu Gonzalo González Barreñada gracies al poemariu 'Cartes al treslluz'. Les persones interesaes en participar nesta edición pueden consultar equí les bases.