Xixón Sí Puede va presentar a Suárez del Fueyo como alcalde

3.628 persones participaron na consulta onde ganó la opción de presentar a Mario Suárez del Fueyo con 2.571 votos.

La otra posibilidá que presentaba esta votación, sofitar la candidatura del socialista José María Pérez nel Plenu de mañana algamó 960 apoyos. Mentes, hebo 97 ente blancos y nulos. D'esta forma, salvo cambiu d'última hora, Carmen Moriyón repetirá otra llexislatura como alcaldesa, nesta ocasión al ser la llista más votada, si el PSOE caltién la so intención de votar al so candidatu. Sicasí, ta previstu un aconceyamientu d'última hora na sede de la FSA-PSOE en Xixón nel que tamién va participar Izquierda Xunida pa tratar de llegar a alcuerdos qu'impidan un gobiernu de Foro na ciudá. L'alcuentru, que va poder siguise per Internet, ta previstu pa les 15.30 hores.