Barbero y González Barreñada van con Autores nel Camín a Corvera y Avilés

Les cites son el xueves y el llunes.

El circuitu Autores nel Camín, que ta llevando estos díes a Rodrigo Cuevas per dellos conceyos del país, cuenta con dos actividaes más programaes. La primera va celebrase esti xueves en Corvera, a les 18 hores nel Centru Sociocultural de Les Vegues, onde Ruma Barbero va falar colos llectores de la obra 'Seltegu', cola que ganó nel 2019 el XI Premiu Alfonso Iglesias de cómic.

Mentes, Gonzalo González Barreñada, va protagonizar un actu poéticu-lliterariu'l llunes n'Avilés. Va ser a les 19 hores nel Palaciu de Valdecarzana y va centrase na so obra 'El llar n'orde', que llevó el XXV Premiu Xuan María Acebal de poesía, correspondiente tamién al añu 2019.