El Conceyu d'Avilés entama un Cursu d’Aniciu de Llingua Asturiana p’adultos

La Estaya de la Llingua del Conceyu d'Avilés abre'l plazu de matrícula a partir del llunes día 14 d'esti mes pa inscribise nel Cursu d’Aniciu de Llingua Asturiana p’adultos. La duración del mesmu sedrá de 30 hores, dende’l día 29 de setiembre hasta’l 17 de payares, n’horariu de 19:00 a 21:00 hores, martes y xueves.

Les persones interesaes pueden inscribise, pel teléfonu, llamando al númberu 663 820 132, n’horariu de 8:00 a 15:00, per corréu ellectrónicu na direición estayallingua@ayto-aviles.es o na Casa Municipal de Cultura d’Avilés, primer pisu.