Héctor Pérez Iglesias algamó'l XVI Premiu Fernán Coronas

|

L'escritor Héctor Pérez Iglesias (Llanera, 1978) algamó la decimusexta edición del premiu de poesía Fernán Coronas, entamáú pola Sociedá Popular La Regalina de Cadavéu, col poemariu "Lo peor del bon tiempu". Esti galardón quier facer homenaxe al padre Galo, autor valdesanu que baxo l'alcuñu de Fernán Coronas foi una de les grandes voces poétiques de la lliteratura del nuesu país.

Héctor Pérez Iglesias yá ganare dellos premios, ente ellos l'Asturias Joven en 2003 col poemariu "Las tardes baldías", trés años depués con "L'amarga cazumbre" algamó'l Nené Losada Rico y en 2007 ganó, xunto a Miguel Allende, el premiu de poesía Teodoro Cuesta col poemariu "Como crecieres tu". Asimesmo tien editáu otru poemariu col títulu de "Prisión de náufragu" (Trabe, 2006).
 

Contador Estadistiques