Ximiélga.me tamién fala francés

|

La rede social n’asturianu tuvo zarrada ayeri pa iguar una renovación del sistema y l’entamu de les primeres pruebes del API. Amás, agora inclúi’l francés ente los sos idiomes.

L’API (del inglés interfaz de programación d’aplicaciones) permitirá a terceros desendolcar aplicaciones que permitan interactuar con Ximiélga.me ensin que l’usuariu tenga que entrar nel sitiu.
 
“Esto ye mui útil pa coses como que un blogue o páxina web mande a la so cuenta en Ximiélgame un enllaz del artículu que t’acabante d’espublizar, o aplicaciones d’escritoriu como gwibber”, indiquen dende la rede social.

Amás, agora van permitir que los mensaxes del telégrafu seyan públicos, si dientro de les opciones de privacidá l’usuariu esbilla ‘Públicu’, colo que podrán lleelo toles persones rexistraes.

Otru cambeo importante ye la primer versión en francés de Ximiélgame, que pasa a ser el cuartu idioma qu’ufren xunto col asturianu, inglés y castellanu, “sicasí inda nun ye una versión final y ta incompleta, poro cunta con un 85% de los mensaxes tornaos”.

 

Contador Estadistiques