Ésti ye'l programa del X Día de la Reciella

El sábadu celébrase ún de los díes más esperaos: el X Día de la Reciella. El Muséu del Pueblu d'Asturies acueye un añu más esta xornada d'actividaes n'asturianu pa toles edaes y gustos, que cuenta con un mercáu lliterariu, musicales y de moda, y recupera la carrera familiar Entaína.

Ésti ye'l programa d'esti añu, que tien el lema 'La familia del asturianu crez', pensáu pa que les neñes y neños sían más protagonistes que nunca:

-11 hores: apertura de la inscripción y recoyida de dorsales de la V Entaína.

-11.30 hores: salida de la V Entaína.

-12 hores: llegada de la V Entaína, entrega d'avituallamientu entrega de premios.

-12.15 hores: Mundialín interReciella de fútbol comentáu por Miguel Fernandi y Pelayo Rodríguez, de RPA, y averamientu al axedrez cola collaboración del Club Antonio Rico y la Oficina de Normalización Llingüística de Xixón.

-13.15 hores: taller y desfile de moda casero con Ringo Rango.

-14.15 hores: sesión vermú musical con DJ Sandrasian d'Abres.

-14 hores: posa pa xintar (hai chigre nel recintu).

-16 hores: desfile de cosplay con Shiro Ychigo (Blanca Fernández) como maestra de ceremonies.

-17 hores: taller d'origami con Inari Gauken y audiovisual con Alma Hidalgo.

-18 hores: la Reciella canta y bailla, cola coordinación de David Varela.

-19 hores: Danza Prima y pieslle.