El día 25 presentóse en Zaragoza Espacio Plural. Ye esti un proyectu políticu que sumando fuerces nacionalistes, ecoloxistes y d’izquierda de dellos llugares del Estáu, quier dar una respuesta al “bipartidismu y les polítiques de derecha”.
El xefe de campaña del Partíu Socialista Uníu de Venezuela (PSUV), Aristóbulo Istúriz, reconoció que la so formación nun algamó los dos tercios d'escaños a qu'aspiraba, pero calificó la victoria de "contundente" pola mayoría absoluta.
El conceyal de Cultura d'Uviéu José Suárez Arias-Cachero desmarcóse de la posición del alcalde, Gabino de Lorenzo, y pidió públicamente a Mariano Rajoy que se decida por Francisco Álvarez-Cascos como candidatu n'Asturies.
Mediu centenar de cicloturistes dieron cita en La Pola L.lena pa participar en Marcha Cicloturista Puerta d'Asturies “Xubida al Gamoniteiru” qu'entamó'l Club Ciclista Puerta d'Asturies.
L’asociación cultural del Eo-Navia Xeira, convoca otru añu más el concursu más conocíu y antiguu de lliteratura en gallego-asturiano. Amás esti añu, el Premio Xeira de Narracióis Curtias destaca por llegar a la so XX edición.
La respuesta nun tardó en llegar. Bloque por Asturies y Unidá Nacionalista Asturiana posicionáronse con dures crítiques hacia l’arrenunciu de la Conseyería de Cultura a qu’Asturies seya capital del Festival Intercélticu de Lorient en 2011.
L’Arribada 2010 pon fin esti sábadu a la estaya Vagamar. Esti eventu zarra cola presentación de ‘La Bufanda’ de David Artime y la proyección de “La nueche de los muertos vivientes” el primer llargumetraxe tornáu al asturianu.
La Dirección del PP d'Asturies xunto con presidentes de les Xuntes Llocales acordó esti vienres por unanimidá proponer a la conceyala del Conceyu d'Uviéu, Isabel Pérez-Espinosa como cabeza de llista per Asturies nes elecciones autonómiques.
El Conseyu de Gobiernu d'Estremadura aprobó un decretu pa regular los festexos populares taurinos, colos oxetivos de garantizar los derechos de los animales y de mirar pola seguridá de les persones qu'asistan a estes celebraciones.
Asturies nun va protagonizar el Festival Intercélticu de Lorient en 2011. Asina lo dictó la Conseyería de Cultura que por “dificultaes presupuestaries” arrenunció a que’l eventu cultural más importante de mundu celta tea dedicáu a Asturies.
El Bloque por Asturies, al traviés del so diputáu Roberto Colunga, presentó dos proposiciones non de llei pol respetu a los derechos humanos. Los presos mapuches en fuelga de fame y el pueblu pakistaní son los oxetivos d’esta proposición.
Gales quier más pasos pal autogobiernu. Baxo la entruga “¿Quies que l'asamblea pueda facer lleis sobre toles cuestiones nes venti árees temátiques de les que tien competencia?” va haber un referéndum el 3 de marzu de 2011.
Centenares de mineros llegaron el xueves a Uviéu tres dellos díes de marcha per Asturies pa manifestase pel centru de la ciudá col fin de reivindicar la viabilidá del carbón y el futuru del sector n'Asturies.
El director del Festival Internacional de Cine de Xixón, José Luis Cienfuegos, prometió esti xueves en Xixón una 48 edición "estimulante y retadora" con presencia de cineastas españoles y na que s'estrechen llazos con Llatinoamérica.
Esti 23 de setiembre celébrase’l “Día Internacional Contra la Esplotación Sexual”. Poro, SUATEA llama a erradicar la esplotación sexual, protexer a les sos víctimes y educar n’igualdá nun Estáu nel que pue haber 500.000 prostitutes.
Pola mor del interés de la xente nel cursín de bandurria asturiana, ésti va celebrase tamién el 2 d’ochobre. D’esti mou, el músicu Daniel García de la Cuesta va introducir a esti instrumentu medieval los díes 25 de setiembre y 2 d’ochobre.
El Senáu aprobó col votu en contra del PP una moción pola que plantea al Gobiernu reformar el Valle de los Caídos acordies a la Llei de la Memoria Histórica. Defende convertilo nun monumentu a l'alcordanza de "tolos muertos" na Guerra Civil.
El 63% de los llectores d’Asturies.com que participaron na encuesta va facer fuelga el 29 de setiembre. Sicasí, el 46% fáilo con discrepancies pa colos sindicatos mayoritarios. Un 36% nun se va movilizar.
El Gobiernu ta trabayando nun proyectu de llei pa que los ciudadanos puean dirixise en cualquier llingua cooficial a determinaos organismos estatales. L’asturianu nun entra nesti proyectu que nagua por “garantizar los derechos llingüísticos”.
UNA va participar na manifestación convocada por CSI en Xixón el 29-S. Asina lo manifestó Faustino Zapico, portavoz de la formación, que ve necesariu un sindicalismu pa trabayadores y non pa “los porgüeyos de los sindicatos mayoritarios”.
