A la gueta los suaños ye una revista de calter lliterariu empobinada a enseñantes y escolinos d'asturianu. Ta dixebrada en varies estayes:

• Escoyeta de llibros. Recomendación de llibros.
• Ficha didáutica. Esplicación de cómo trabayar daqué llibru nel aula
• Llibru estrella. Encamientu a los escolinos d'un llibru.
• Los llibros de l'alcordanza. Recordando los primeros llibros qu'entamaron a espublizase y los primeros que los maestros d'asturianu lleeron a los escolinos
• Entrevista. Entrevista fecha a un escritor, profesor, editor, escolín...
• El rinconín de los suaños. Llugar pa los pequeños navegantes. Equí puen atopar cosadielles, chistes, etc.

Los que facemos A la gueta los suaños ( Esther García, Severino Antuña, , Vicente García, Manuel Sayar y Mª del Mar Martín) consideramos necesaria la collaboración de toos pa qu'esta revista seya cada vez meyor, pa que la lliteratura que se fizo y que se ta faciendo n'asturianu tenga un llugar na rede, pa que la llingua asturiana te presente nos colexos y nos istitutos, pa que naide escaeza que tenemos una llingua y una lliteratura qu'enseñar y pola que lluchar entovía güei.