Ficha didáutica

TÍTULU DEL LLIBRU: El Tatuaxe Autora Mª Esther García López EDITORIAL: Editora del Norte APLICACIÓN DIDÁUTICA: Pa escolinos de 6u de Primaria

LLECTURA 1. "LA DESPIDIDA D'AHMED"

OXETIVOS:

• Familiarizase colos personaxes del llibru.
• Reparar na estructura de testos comunicativos como la carta,notes, avisos…
• Reconocer y producir testos descriptivos.
• Reconocer y producir testos instructivos.
• Prauticar la espresión oral.
• Identificase colos personaxes
• Sensibilizase con temes de conocencia y respetu a otres cultures.
• Reflexonar sobre aspeutos gramaticales ya ortográficos

ACTIVIDAES:

ACTIVIDAES ANTICIPADORES DE LA LLECTURA:

El títulu d'esta llectura ye "La despidida d'Ahmed" ¿De qué te paez que pue tratar la llectura según el títulu?

• Escribi tú otros títulos asemeyaos:.

………………………………………………………………………………………………………………………………………………………………

• Describi los personaxes que ves nos dibuxos. ¿Prestaríate aldovinar de

que va la llectura enantes de lleela?. En grupos de cuatro, xugái a dicir de qué trata, a ver quién s'acerca más a la versión del llibru.

TESTOS COMUNICATIVOS: LA NOTA

• Tu tamién vas a la fiesta de despidida dÁmhed. Escribi-y una nota a ún de los personaxes pa manda-yla por Rubén. Repara nes qu'escribieron Sara y Mela

TESTOS COMUNICATIVOS: LA CARTA.

• De xuru que sabes escribir una carta d'amor. Llee despacín la qu'escribió Selina a Antón. Cola mesma estructura escribi tú una al mozu/a que te presta. Nun fai falta que pongas el nome.¡Pues inventalu!

VOCABULARIU:

• Dibuxa la mesa que punxo la ma de Selina pa celebrar la despidida d'Ahmed. Escribi'l nome de tolos elementos que componen la cacía . Pon nuna columna los masculinos y n'otra los femeninos. Dibuxa los platos como a ti más te preste.

LA RECETA DE COCINA:

La ma de Seli fai una tarta de chocolate. Entruga-y a los tos pas una receta de cocina y escríbela pa que la puean facer los tos collacios:

SIMULACIÓN:

• Agora vais a xugar a les presentaciones. Caún de vosotros va simular que ye un amigu/a de "Los cadavales" y tien de presentase al restu'l grupu. Pa ello sentáivos en corru y caún va llevantándose por turnu y presentándose darréu. Como ye una simulación tolos datos puen ser inventaos: Pa que nun sea too improvisao, tienes cinco minutos pa pensalo . Por exemplu, pues dicir dalgo asemeyao a lo que sigue:

Nome, edá, de cuál de los Cadavales yes amigu, los tos gustos y vezos más destacaos, por qué te presta dir a la fiesta de despidida d'Ahmed, un mensaxe de despidida d'Ahmed, etc.

• Escribi nuna tarxetina el mensaxe que tú-y vas dicir a Ahmed.

ACTIVIDAES DE REFLEXÓN GRAMATICAL:

"Mela anda a la tema con Sara a ver quien saca meyores notes" Andar a la tema ye una locución alverbial de mou que significa compitir una persona con otra. Escribi una oración onde uses esta locución alverbial.

…………………………………………………………………………..

"Glayaron toos al altu la lleva".

• Al altu la lleva significa dicir una cosa ensin presuicios y pa que lo oiga tol mundu, tamién vociferar ensin tiento.

Escribi una oración asemeyada a la que tienes nel exemplu.

……………………………………………………………………………….

• Forma alverbios acabaos en mente a partir de los siguientes axetivos qu'apaecen nel testu:

intelixente………………intelixentemente

triste…………………….

calláu……………………

ORTOGRAFÍA:

• Busca na llectura los monosílabos que lleven tilde y comenta col to collaciu por qué la lleven. Escribi equí delles de les oraciónes de les que formen parte.

……………………………………………………………………………………………………………………………………………………………………………………………………………………………………………………………………………………………………………………………..

DIFUSIÓN DEL TRABAYU:

• Colgái en dixebraos requexos de la clas, les cartes, notes, tarxetes, etc. pa que les puean lleer los vuesos collacios.

Nota: Alcuérdate de repasar, correxir y refacer les tos producciones escrites.

Mª Esther García López

uov00564@correo.uniovi.es