Xúpiter

El planeta más grande del Sistema Solar ye Xúpiter. Trátase d’un cuerpu masivu gaseosu, formáu principalmente por hidróxenu y heliu, y asítiase como’l quintu alloñáu del sol depués de Mercuriu, Venus, la Tierra y Marte, y el primeru del nomáu Sistema Solar esterior al nun tener composición terrestre.

El so nome vien del dios romanu Xúpiter, Iuppiter en llatín, el principal de la mitoloxía romana, padre d’homes y dioses, fíu de Saturnu y Ops, y maríu de Xunu col que tuvo a Minerva. Los antiguos astrónomos seguramente dieron esti nome al planeta al ser visible dende la Tierra, anque ye más que problable que desconoceríen el xigantescu tamañu real del oxetu.

NASA, ESA, I. de Pater and M. Wong (University of California, Berkeley), Public domain, via Wikimedia Commons
Imaxen de Xupiter tomada pol telescopiu Hubble.
¿Sabíes qué…? Xúpiter tien la velocidá de rotación más rápida de tolos planetes del Sistema Solar: xira sobre’l so exe en poco más de 10 hores cuando la Tierra tarda 24.

La distancia de Xúpiter col Sol ye d’unos 750.000.000 quilómetros, mui lloñe de la Tierra, que ta a 150.0.000 quilómetros de promediu del gran astru, esto ye, a 5.2 unidaes astronómiques (1 ye la distancia que tien el nuesu planeta). Mientres, tarda 12 años terrestres en dar una vuelta completa a la nuesa estrella. .

Como dicíamos, ye un planeta gaseosu con mayoría d’hidróxenu (87 por cientu) y heliu (13 por cientu), con pequeñes presencies de metanu, amoniacu y vapor d’agua, ente otros compuestos, y nun hai práuticamente diferencies ente la so superficie y l’atmósfera. Ésta ye mui fría y dexa ver grandes tormentes, ente les que rescampla la nomada Gran Mancha Colorada, nel hemisferiu sur del planeta, que podría esistir dende va más de 300 años y cuenta con raches d’aire de más de 400 quilómetros por hora.

NASA, Caltech/JPL, Public domain, via Wikimedia Commons
Imaxen d'alta resolución de la Gran Mancha Colorada de Xúpiter tomada pola sonda Voyager I en 1979.
¿Sabíes qué…? En tamañu de Xúpiter ye 1.400 veces más grande que la Tierra, anque en masa ye namái 318 por ser de composición gaseosa.

Xúpiter cuenta con 79 llunes rexistraes, una cantidá altísima teniendo en cuenta que la Tierra tien namái 1, y divídense ente les galileanes –nome que reciben al ser descubiertos por Galileo Galilei– y les menores. El satélite más grande ye Ganímedes, anque tamién son conocíes Ío, Europau y Calistu. .

L’estudiu de Xúpiter vien de mui atrás nel tiempu, pero la primer misión especial que llegaría hasta’l planeta foi nel 1973 de la mano de l’axencia estauxunidense NASA, en concretu la Pioneer 10. Pertimitió facer les primeres semeyes del cuerpu y de los sos satélites, y abrió l’unvíu de sondes nueves nestos años qu’ampliaron el nuesu conocimientu sobre’l mesmu.

  • ¿Cuáles son les carauterístiques pricipales de Xúpiter?
  • ¿Qué diferencia principal tien cola Tierra?
  • ¿Podría agospiar vida?
  • ¿Qué ye la Gran Mancha Colorada?

 

Asitia estos planetes según el so tamañu, siendo’l 1 el más grande:

Saturnu
 
Marte
 
Tierra
 
Neptunu
 
Venus
 
Xúpiter
 
2
7
5
4
6
1