La Misión Rosetta protagoniza un reportaxe nuevu en 'A la Gueta los Sueños'

Incorporamos un reportaxe nuevu en 'A la Gueta los Sueños'. Nesta ocasión informámoste d'una misión espacial de nome 'Rosetta' que tien como oxetivu estudiar l'orixe del Sistema Solar y de les condiciones iniciales necesaries pa l'apaición de vida.

Tres diez años de viaxe pol espaciu, el branu pasáu Rosetta entró na órbita del cometa 67P/Churiumov-Guerasimenko y el 12 de payares consiguióse l'oxetivu de la misión de facer aterrizar la sonda Philae sobre él. Agora, dambos inventos d'orixe européu tán unviando datos que van servir de muncha utilidá a científicos de tol mundu pa conocer un poco más l'Universu.

Imaxe propiedá de ESA/Rosetta/Philae/CIVA.