El II Día de la Reciella va repetir nel Muséu del Pueblu d’Asturies el primer domingu d'ochobre

Neños y neñes van poder disfrutar d’una xornada n’asturianu dafechu’l 5 d’ochobre. L’asociación ‘Reciella. Families pol Asturianu’ entama’l II Día de la Reciella, que repite nel Muséu del Pueblu d’Asturies.

Talleres de música tradicional, una exhibición infantil de bolos y delles actuaciones son dalgunes de les actividaes previstes pal primer domingu d’ochobre nel recintu museísticu asitiáu en Xixón, onde también van poder mercase llibros de lliteratura infantil o acceder a material de la Oficinal de Normalización Llingüística de Xixón, por citar dalgunos de los puestos que van instalase nel llugar. El programa completu pal II Día de la Reciella conoceráse nos díes próximos.

Esta xornada de diversión que tien por oxetu “pasar un día en familia y n’asturianu” ye totalmente de baldre y va principiar a les 11. Les actividaes múltiples previstes pa esti día van desendolcase hasta les 19 hores.