‘A la Gueta los Sueños’ incorpora una ficha didáutica sobre la mitoloxía asturiana

El trasgu, la xana, el nuberu, el cuélebre... De xuru que te suenen toos, pero… ¿sabríes distinguilos o conoces bien les carauterístiques de caún d’ellos? Na ficha didáutica nueva que te presentamos en ‘A la Gueta los Sueños’ dámoste detalles sobre estos seres de la mitoloxía asturiana.

El testu entama con una esplicación xeneral sobre lo que ye la mitoloxía, pa darréu detallar les carauterístiques principales de los principales seres mitolóxicos asturianos. Por último, proponémoste un par de prestosos exercicios pa ver si conoces bien a toos estos personaxes.