'Estaciones', idea ganadora del III Premiu Fierro Botas
'Estaciones', del IES nu. 1 de Xixón, ye la idea ganadora del III Premiu Fierro Botas a la meyor idea normalizadora.
Paz Fonticiella, profesora d'asturianu y coordinadora del proyeutu y al alumnáu participante de 4º de la ESO (Lucía Álvarez gonzález, Nerea García Menéndez, Izan Menéndez Morán, Joel Ovies Calvo y Carla Peruyero Nevares) recibirán en setiembre el premiu nun actu nel que se recordará la figura de Fierro Botas.
El xuráu quixo poner de manifiestu que ye una idea con un planteamientu visual mui atractivo que permite l’averamientu al asturianu y a la poesía escrita n’asturianu, conxugando al traviés de bolses de papel venveyaes a les estaciones del añu, la creatividá lliteraria col léxicu de los campos semánticos del tiempu que pasa, favoreciendo l’usu del asturianu y la so visibilidá al traviés d’una actividá lúdica que conxuga cultura y lliteratura y que ta dirixida a persones de toles edaes y diferentes públicos.
El Premiu Fierro Botas a la Meyor Idea Normalizadora, ta empobináu al alumnáu de Llingua Asturiana de Secundaria y Bachilleratu de Xixón col envís de favorecer el so protagonismu y la so reflexón y implicación nel procesu de normalización llingüística.