'El llibru de les vocales'
Nome: ‘El llibru de les vocales’
Autor: Francisco Álvarez Velasco
Ilustradores: Graffiti y Marina Lobo
Editorial: Impronta, 2013
L’autor, coles vocales como protagonistes, xuega col llinguaxe moviéndose ente la poesía, les cosadielles y los cantares de siempre. ‘El llibru de les vocales’ contién amás un homenaxe a ‘Voyelles’ d'Arthur Rimbaud y preséntase como'l primer títulu de la serie ‘Fierabrás’, que llega en formatu álbum coles ilustraciones de Graffiti y Marina Lobo, compaxinando un estilu vintage con propuestes novedoses que se carautericen pol amor al llinguaxe, los cantares y los xuegos de pallabres.
El poeta lleonés Álvarez Velasco continúa con esta obra col so apueste por espublizar llibros con versión n’asturianu y castellanu tres ‘La Lluna tien una llebre’.