Noticies a La Gueta

García Oliva participa nun alcuentru con llectores en Noreña

García Oliva participa nun alcuentru con llectores en Noreña

L’Ayuntamientu de Noreña entama esti xueves un alcuentru del autor Vicente García Oliva colos llectores más mozos de Noreña. La Biblioteca Pública Municipal 'Alonso Marcos de Llanes' va acoyer esta actividá con motivu del Día Internacional de la Llingua Materna.

Lleer más

La situación de la lliteratura infantil y xuvenil n’Asturies protagoniza una mesa redonda n’Avilés

La situación de la lliteratura infantil y xuvenil n’Asturies protagoniza una mesa redonda n’Avilés

María Esther García López y Iris Díaz Trancho son dalgunes de les espertes convidaes al alderique ‘La lliteratura infantil y xuvenil n’Asturies güei’. Celébrase nel marcu de la esposición ‘Que nos quiten lo lleío. 30 años de lliteratura xuvenil n’Asturies’ que se pue visitar hasta'l vienres nel avilesín Palaciu de Valdecarzana.

Lleer más

Los cantares de 'Bestiariu' abren el primer semestre del ciclu avilesín La Reciella de la Factoría

Cartelu La Reciella de la Factoría primer semestre 2019

Alicia Álvarez y David Varela van poner un conciertu n’acústicu con una esbilla de los cantares de ‘Bestiariu’, proyeutu qu’axunta a decenes de grupos asturianos con cantares con animales como filu conductor. Esta actividá va abir el primer semestre del ciclu La Reciella de La Factoría qu’aporta a Avilés teatru, música y cuentos.

Lleer más

El llibru ‘Mitoloxía pa rapacinos y rapacines’ cuenta con una segunda edición más inclusiva

El llibru ‘Mitoloxía pa rapacinos y rapacines’ cuenta con una segunda edición más inclusiva

El Grupu Epona edita la segunda edición del llibru ‘Mitoloxía pa rapacinos y rapacines’ baxo’l nome de ‘Mitoloxía pa la reciella’, más inclusiva que l’anterior. Espublizáu nel 2007, esta asociación cultural torna a asoleyar esta obra tres la bona acoyida que tuvo hai 12 años.

Lleer más

Fina la Navidá y la TPA nun emitió nin un programa infantil o película d'animación n’asturianu

Fina la Navidá y la TPA nun emitió nin un programa infantil o película d'animación n’asturianu

La llingua asturiana sigue arrequexada na RTPA. Una vegada finada la Navidá, y al contrariu que faen el restu d’autonómiques de comunidaes que cuenten con llingua propia, la televisión pública asturiana nun emitió nin un programa infantil o película d'animación pa la reciella en llingua asturiana, denuncia la XDLA.

Lleer más

Escenines pa la Reciella cumple cola so cita navidiega coles neñes y neños asturianos

Escenines pa la Reciella cumple cola so cita navidiega coles neñes y neños asturianos

El VI Festival Escenines pa la Reciella programa cuatro actividaes pa esta Navidá. Dende’l miércoles hasta’l sábadu, el xixonés Centru de Cultura Antiguu Institutu va acoyer teatru, títeres, conciertos y cuentacuentos en llingua asturiana.

Lleer más