Noticies a La Gueta

‘¡Préstame pola vida!’ yá ye viral

Préstame pola vida

El cantar del VII Día de la Reciella, asoleyáu una selmana enantes de la xornada, convirtióse nun ésitu nos díes previes a la celebración y la so difusión nun apara de medrar. ‘¡Préstame pola vida!’, interpretáu pol dúu Muga y el Corín de Reciella, algama yá les 13.700 reproducciones en Facebook y les 3.000 en YouTube.

Lleer más

La conseyera Berta Piñán sofitó cola so presencia’l Día de la Reciella

La conseyera Berta Piñán sofitó cola so presencia’l Día de la Reciella

Anque l’orbayu acompañó al aniciu de la carrera ‘Entaína’, el tiempu respetó y el Día de la Reciella tornó a ser un ésitu, con cientos de persones acudiendo a lo llargo del día al Muséu del Pueblu d’Asturies. Ente elles, Berta Piñán, primer miembru del Conseyu de Gobiernu n’asistir a esta xornada nes sos siete ediciones.

Lleer más

La familia Guardado va llevar el testigu na carrera 'Entaína'

Dorsales IV Entaína

Celébrase esti domingu nel Día de la Reciella.

Lleer más

El dúu Muga y el Corín de Reciella ponen banda sonora al VII Día de la Reciella con ‘¡Préstame pola vida!’

Muga y el Corín de Reciella

El VII Día de la Reciella yá tien cantar. Depués de ‘Entaína’, ‘N’asturianu sumes’ y ‘¡Espoxiga!’ llega ‘¡Préstame pola vida!’, tema interpretáu pol dúu Muga, formáu por Alicia Álvarez y David Guardado, y el Corín de la Reciella que nun va dexar de sonar el domingu nel Muséu del Pueblu d’Asturies.

Lleer más

Reciella presenta’l programa completu pal VII Día de la Reciella

Entaína

El domingu 13 d’ochobre’l Muséu del Pueblu d’Asturies va enllenase de neñes y neños y los sos familiares pa vivir una xornada llúdica y festiva en llingua asturiana dafechu. Celébrase’l VII Día de la Reciella, que va abrir la IV Entaína, carrera de relevos que simboliza la tresmisión del idioma de padres y güelos a fíos y nietos.

Lleer más

El balón volea protagoniza’l pallabreru nuevu de la Oficina de Normalización Llingüística de Xixón

'El Pallabreru del Voleibol'

El voleibol, tradicionalmente balón volea, ye’l deporte que protagoniza’l pallabreru últimu asoleyáu pola Oficina de Normalización Llingüística de Xixón. Amás de dar a conocer esti deporte y el so vocabulariu específicu en llingua asturiana, esta obra busca otorga-y visibilidá a la muyer na práutica deportiva.

Lleer más