Noticies a La Gueta

El CSIC edita un calendariu escolar científicu en cinco llingües, ente elles l'asturianu

Primeros díes xineru Calendariu Científicu Escolar 2020

Siguiendo exemplos esistentes n’Alba o Rumanía, y a propuesta d’Europa Laica, el Conseyu Superior d’Investigaciones Científiques (CSIC) ta acabante d’asoleyar un calendariu escolar científicu correspondiente al 2020 en toles llingües cooficiales y n’asturianu. L’Academia de la Llingua Asturiana (ALLA) participó como entidá financiadora de la iniciativa del Institutu de Ganadería de Monte.

Lleer más

Lucía Fernández llevó’l IV ‘Sácame pola pinta’ pola so imitación de Valle Roso

Lucía Fernández ganadora IV Sácame pola pinta Marisa Valle Roso

La xixonesa Lucía Fernández ganó’l IV ‘Sácame pola pinta’, concursu d’imitación d’artistes asturianos que se celebró’l vienres en La Felguera y que se va emitir el xueves en TPA. La cantante, de 14 años, convenció al xuráu pola so interpretación de la versión de Marisa Valle Roso del cantar ‘Nel Pozu María Luisa’.

Lleer más

Los diez finalistes del IV 'Sácame pola pinta' busquen la victoria na gala final

Celia Corrales ganadora III 'Sácame pola pinta' como Luz Casal

Esti vienres el Teatru Nuevu de La Felguera acueye la gala final del IV 'Sácame pola pinta' de la edición dedicada a menores. Esti concursu, que tien como premiu la grabación d’un discu promocional nun estudiu profesional, consiste na imitación d’un artista asturianu.

Lleer más

‘Nun-yos tengas perceguera 2’ protagoniza una esposición en Xixón

Esposición 'Nun-yos tengas perceguera 2'

Les ilustraciones y los testos del llibru ‘Nun-yos tengas perceguera 2’, de Sidoro Villa, formen parte d’una esposición con sede nel xixonés Centru de Cultura Antiguu Institutu. Ésta lleva’l mesmu nome del llibru infantil centráu n’animales como’l llagartu, la mosca, la pega o'l cascoxu.

Lleer más

Escenines pa la Reciella allegra la Navidá con trés espectáculos

Cartelu VII Escenines pa la Reciella

El festival d’artes escéniques en llingua asturiana pa neños y neñes Escenines pa la Reciella cumple un añu más cola so cita navidiega en Xixón. El salón d'actos del Centru de Cultura Antiguu Institutu repite como sede nesta sétima edición del certame, na que ‘Reciella. Families pol Asturianu’ programa trés espectáculos teatrales.

Lleer más

'El nataliegu', ficha didáutica nueva en 'A la Gueta los Suaños' pa celebrar la Navidá

L'Anguleru

Les neñes y neños d'Asturies esperen la llegada de L'Anguleru esta Nuechebona, que pide recuperar esta tradición y el ramu nadal.

Munches cases d'Asturies amburen esta nueche el nataliegu, un ritual que taba cercanu a desaniciase pero que poco a poco dalgunes families traten de recuperar. 'A la Gueta los Suaños', na so estaya de fiches didáutiques pa rapacinos y rapacines, incorpora una nueva dedicada al tueru de navidá nel qu'esplica esta tradición y el so contestu.

Lleer más