Opinión

La reciente entrega a Enagás de los tarrenos pa la construcción de la Regasificadora n’El Musel, val de pistoletazu de salida pa la construcción de la polémica infraestructura gasística. El proyectu véndese como una prueba ensin pega de la nueva Asturies que nos ufierta’l presidente del Principáu, pero sobre manera, preséntase como la solución perfecta a los problemes d’emplegu venceyaos a la crisis.

Cola mesma senciellez con que vivió dexónos, el pasáu sábadu día 11, la escritora valdesana Mª del Carmen Losada Rico, más conocida como Nené Losada. La coincidencia de la so muerte cola d’otra conocida escritora asturiana, qu’enllenó abondes páxines nos medios de comunicación, pue facer que pasé desapercibida esta lluctuosa noticia que dexa güérfanes a les lletres asturianes d’anguaño.

Como profesores universitarios de Llingua Asturiana, qu'impartimos docencia d'esa materia na Facultá de Filoloxía y na Escuela Universitaria de Maxisteriu, nun podemos dexar d'espresar la nuestra esmolición ante la posibilidá de que l'Asturianu quede escluíu de les nueves titulaciones de Maestru. N'efectu, nestos momentos decisivos nun sería a entendese que la Llingua Asturiana quedare al marxe, por variaes razones:

Hai dellos meses que la enantes nomada desaceleración tornóse crisis. Dende esti momentu los despidos y pieslles temporales p'axustar la producción a la demanda apaecen nes noticies un día tres otru. Fasta agora los sectores más afectaos foron l'inmobiliariu o l'automovilísticu, ensin embargu otros entamen a tar en situación complicada pol efectu dominó.