Yá son cuasi 400 los hospitalizaos con COVID-19

Nuna selmana pasaron de 333 a 395.

Les hospitalizaciones nun aparen de medrar n'Asturies, que sigue en nivel d'alerta altu por COVID-19. L'actualización última de los datos oficiales, colos d'esti domingu, apunta de 384 en pacientes en planta y 11 na UCI, cuando siete díes enantes había 325 y 8, de manera respeutiva.

Nesti periodu finaron 26 persones con edaes comprendíes ente los 44 y 99 años. No que va d'andanciu la cantidá total de muertes cola enfermedá causada pol coronavirus SARS-COV-2 queda en 2.679.

Na semeya, Hospital Universitariu Central d'Asturies (HUCA).