...y lo bono pa lo verde

La organización internacional Greenpeace acaba l'añu faciendo una llista de los trunfos que se consiguieron esti añu na conservación del mediu ambiente. Greenpeace alvierte qu'estos avances puen ser poco , y que los indicadores ambientales reconocen la degradación acelerao del planeta, pero ello nun quita pa reconocer lo bono.

La llista de llogros de Greenpeace inclúi les ordenances p'adoptar la enerxía solar en dellos conceyos importantes del estáu, el compromisu de Barcelona a nun emplegar madera d'esplotaciones illegales o la condena del Tribunal Supremu a la papelera La Montañanesa de Zaragoza por vertíos al ríu Ebro. Nesti tema del Ebro, Greenpeace alégrase tamién de que la Xunión Europea entovía nun diere'l preste al tresvase. Europa ye fonte de bones anuncies, y asina Greenpeace felicítase porque la mesma Xunión Europea aprebare normatives d'etiquetao que van permitir conocer l'orixe de los productos d'alimentación y porque entamare una campaña, que cuida que seya definitiva, pa desaniciar los barcos petroleros de cascu cenciellu. Tamién na mar, Greenpeace festeya que la Comisión Ballenera Internacional aprebare la "iniciativa de Berlín" pasu imprescindible pa convertise nuna organización de defensa d'estos animales en peligru d'estinción.