Xuiciu a trés militantes de Xunta Moza

Los xulgaos de Xixón foron escenariu esti miércoles d'un xuiciu a trés militantes de la Xunta Moza acusaos d'estropiar la señalización público en Xixón. La fiscalía acusó a los tres encausaos de facer toles pintaes nes señales de la carretera antigua ente Xixón y Ribeseya. Los acusaos defendiéronse esplicando que, anque fueron pa contra la a la señal con esa intención, cuando s'allegaron a ella vieron que yá tenía los topónimos iguaos. La defensa de los militantes de la Xunta llevóla l'abogáu Amable Concha, que s'encontó tamién na prescripción de los fechos, que vienen de febreru del 1999.

La Xunta Moza, estaya de mocedá de la Xunta Pola Defensa de la Llingua, asoleyó ayeri un comunicáu de prensa en solidaridá colos acusaos nel que sorrayó que un añu enantes de la detención yá entrare en vigor la llei d'usu del asturianu, que defende la rotulación n'asturianu de los indicadores de les carreteres. La Xunta aprovechó la ocasión pa remembrar que nel añu 2.001 presentare per vía alministrativa más de 400 denuncies por incumplimientu de l'artículu 15 d'esta llei d'Usu que, pel momentu, siguen ensin rempuesta, lo que forzó a la Xunta a poner un contenciosu alministrativu nel Tribunal Superior de Xusticia d'Asturies, que la organización cuenta con que se resuelva esti añu