Xuegos de guerra

El diariu catalán Avuí, publicación que sal dafechu en llingua catalana, tien a bien n'ufierta-yos a los sos llectores xuegos en formatu flash colos qu'entretenese echando una partida. Hasta equí, parez que nun pasa nada del otru mundu, porque eso faenlo bien de periódicos y de portales en tol mundu, pero el casu ye que los xuegos que da l'Avuí lleven con ellos una bona pildorada de coña catalana.

Por poner un casu, la última caxigalina que dieron nel periódicu catalán foi el xuegu de los "Spainators". Col encontu argumental de la última película de la serie Terminator, Avuí albidraba un futuru hipotéticu en que los robots "spainators" lleguen al planeta Catalonia dende la galaxia Génova cola misión de frayar a la resistencia catalana... Cualquier semeyanza cola realidá ye pura chiripa. Otros xuegos trataben la polémica de la recuperación los archivos de la Generalitat que tan en Salamanca dende la Guerra Civil o la llucha ente los "segadors" y la tropa "franco-española" de Felipe V el 11 de setiembre de 1714.