Xixón entama dos interesantes conciertos folk nos centros culturales de la ciudá

Estos dos conciertos van traer dos grupos folk de lo más nuevo d'Asturies, d'una parte'l tríu "DRD" y d'otra los "Gatos del Fornu". "DRD" ye una formación que garra'l,nome de les iniciales de los sos componentes, Diego Pangua cola xiblata, Rubén Bada na guitarra y bouzouki y Dolfu Rodríguez col vigulín. Esti grupín montóse pa tocar nel ciclu Folk de Cámara que se fizo en Xixón va dellos meses, y como dempués d'aquella priemer actuación los músicos vieron que'l soníu y el repertoriu teníen cuerpu, decidieron siguir alantre col proyectu.


L'otru grupu que va tocar son los "Gatos del Fornu", los uvieinos, con un discu nel mercáu foron los ganadores esti añu del Premiu d'esti diariu al Meyor Cantar n'Asturianu del 2003 col cantar "Brañas d'antañu".

El rpoblema d'estos dos conciertos ye que son el mesmo día, 18 de mayu, y casi a la mesma hora. DRD a les 19:30 hores nel Centru Municipal del Coto, los Gatos a les 20:00 hores nel centru municipal de l'Arena. Cabe la posibilidá de que se cambie l'horariu de dalgún de los dos conciertos pa que nun coincidan, si esto pasare informaremos a los nuestros llectores dende esta sección.