Woody Allen, nes estrenes de la selmana

La cartelera de cine de la selmana ta estrada de los títulos pa rapacinos qu'apurre a carraos la industria americana del cine, como ye normal nesti mes d'avientu según nos allegamos a la navidá. Ente estos rescampla la presncia de "Looney Tunes" cinta qu'enxerta con imáxenes reales a los moñecos de los dibuxos animaos de la Warner y que pon a Lucas el coríu y al coneyu Bugs Bunny a les órdenes de Joe Dante, director de la célebre "Gremlins". Sicasí, ente les estrenes de la selmana tamién alcontramos películes pa otros públicos, casu de "Tolo demás" la última de Woody Allen, que s'estrena nes sales asturianes pela puerte d'atrás, y ye que namás dos cines, ún en Xixón y otru n'Avilés, van proyectar la cinta del célebre director premiu "Príncipe d'Asturies". Pa los aficionaos a l'acción, faise tamién la estrena de la película que recupera l'argumentu serie de TV de los 70 "la xente de Harrelson". Pues ver tolos horarios de les películes nos cines asturianos na cartelera d'Asturiactiva