Web n'asturianu pa Llangréu

L'Ayuntamientu de Llangréu, ún de los conceyos en que s'aprebó la oficialidá del asturianu nel añu 1996, ta acabante de presentar la versión remocicada de la páxina web del ayuntamientu, que tenía bona falta d'encuriosar la so presencia na rede tres de más de seyes años con una web curtia de conteníos, que nunca nun llegó a actualizase y que nun ofrecía conteníu nengún en llingua asturiana. Por contra, esta versión nueva del web municipal ye la primera web de nengún ayuntamientu en toa Asturies qu'ufierta la portada n'asturianu y en castellanu, anque la opción por defectu que se da ye la castellana y si se quier vela n'asturianu hai que calcar siempre nun enllaz y depués gran parte de los conteníos dinámicos como programaciones o informaciones públiques de concurrsos van namás en castellanu.