Vueling saca a la venta los billetes pa la ruta Asturies-Ámsterdam

|
Aeropuertu d'Asturies

Va haber vuelos los xueves y domingos a partir del 30 d'ochobre. L'aerollinia yá coneuta l'aeropuertu con París-Orly y Londres-Gatwick.

Vueling ta acabante de sacar a la venta los billetes pa la ruta nueva ente Asturies y Ámsterdam que naz del concursu p’aumentar la coneutividá internacional del país y que permite la consolidación y creación de 8 conexones, a les qu'hai que sumar 2 más, a Baile Átha Cliath/Dublín y Londres-Stansted, que decidió incorporar Ryanair al algamar les de Düsseldorf-Weeze, Bruxeles-Charleroi y Roma-Fiumicino. Los precios pa dir hasta Países Baxos asítiense a partir de 39,99 euros.

En total l'aerollinia d'AIG, sociedá comercial nacida de la fusión d'Iberia y British Airways, va ufrir 720 places selmanales. L'avión va salir d'Ámsterdam en direición a Asturies los xueves y domingos a les 16.55 pa tornar a les 19.50, con un tiempu de vuelu de 2 hores y 15 minutos.

Na semeya, termina de salíes del Aeropuertu d'Asturies, col madreñoxiru en primer términu.

Contador Estadistiques