Vuelca un camión con fuel en Valdés

Esta mañana, un camión cisterna procedente de La Coruña y con dirección supuestamente
a la Central Térmica de Soto de Ribera, volcó na nacional 634 a l'altura de Castañéu, en Conceyu de Valdés.

El camión, que carretaba más de 27.000 llitros de fuel-oleo de segunda xeneración vertió una cantidá de la carga, entovía ensin determinar esactamente pero que se camienta qu'anda pelos 5.000 llitros, al rigu L.lourín, afluyente del Esva.

A estes hores, el vertíu espárdese per 7 kilómetros del ríu, que tien una importante población de llóndrigues, samartinos, culapes, truches, enguiles y bayura d'invertebraos en tol so cauce, que pertenez a la zona protección de la cuenca del Esva.

Con too y con ello, el fuel nun llega hasta les barreres de protección que punxo la Guardia Civil a l'altura del cruce col Esva, polo que se considera que la situación ta controlada

La carretera nacional N-634 ta nesti intre cortada y ta procediéndose a la retirada del camión y la llimpieza de la carga vertida, llabores nes que participen efectivos de la Guardia Civil, bomberos del serviciu 112 y guardería rural d'Asturies