Villaviciosa va tener ordenances

L'asuntu de les ordenances que van regular l'usu de la llingua asturiana en Conceyu de Villaviciosa, dizque va resolvese por fin cola aprobación pal próximu plenu municipal ordinariu d'una normativa nesti sen. Asina se decidió ayeri en Xunta de Portavoces, con unanimidá de tolos grupos políticos representaos nel Ayuntamientu. L'alcuerdu ablúgase na Llei d'Usu y Promoción del asturianu de 1998, según la propuesta apautada partiendo d'una propuesta del grupu municipal del PSOE y del conceyal asturianista Mundo Collada, depués de que se refugara una propuesta previa del partíu Andecha Astur, qu'amenazó con llevar a los tribunales l'asuntu. La polémica nun acabó ehí, desque se ficieron públiques delles contradicciones dientro del equipu de gobiernu, como informó daquella Asturies.com.
Ensin embargu, esta vez paez que va haber consensu ente tolos grupos p'algamar una regulación que permita y afale al usu del asturianu nel ámbitu municipal, no que sería un precedente ente tolos conceyos asturianos que tienen normatives d'esti tipu. De cualquier anera, nun se conoz la redacción entera del testu regulador, qu'igual acaba aplicándose en tolos conceyos de la Comarca de la Sidra.

Contador Estadistiques