Vezos astures, premiu del Centru de Madrid

El Conceyu de Cultura Tradicional Vezos Astures quixo gradecer nuna nota de prensa la concesión por parte del Centru Asturianu de Madrid la concesión del prestixosu premiu añal «Urogallo de bronce» na categoría de baille tradicional. L'agradecimientu espúrrese al al club de socios de Cangas del Narcea y del occidente de la entidá madrileña.

Vezos Astures ye ún de los colectivos de folclore asturianos que más salen fuera de les nuestres llendes. Asina, nos pocos años que lleven funcionando, yá participaron nel Festival Intercélticu de Lorient de 2003, en representación d'Asturies. Con too y con ello, Vezos Astures remembra que'l llabor más importante que tienen y el que más-yos presta facer ye'l d'espardimientu de la cultura tradicional asturiana en tolos sos campos: indumentaria, xuegos, cantares o bailles en charres en escueles, conferencies en cases de cultura, esposiciones, muestres de folclore etc, siempre col enfotu de llevar les nuestres señes d'identidá al final del sieglu XXI.