El Sporting B va recibir a la Cultural y el Marino viaxa a Soria pa xugar col Numancia.
La Real Federación Española de Fútbol (RFEF) sortió esta mañana'l calendariu de Segunda División B. Los seis equipos asturianos tán encuadraos nel subgrupu B del grupu 1 xunto con castellanos y la Cultural y Deportiva Leonesa, y la primer xornada dexó dos derbis: l'Uviéu Vetusta va enfrentase al UP Langreo n'El Requexón y el CD Covadonga va debutar na categoría visitando Les Caleyes pa vese les cares col CD Lealtad.
Los otros dos conxuntos del país van tener entamos difíciles, contra la Cultu en Mareo nel casu del filial del Sporting, y en Los Pajaritos col Numancia nel del club gozoniegu. Completa esta primer xornada, progamada pal 18 d'ochobre, el partíu Valladolid Promesas- Burgos CF.
Segunda fase colos del subgrupu A
Ayeri conocíase al fin el formatu de competición definitivu y el nome de la categoría nueva ente la Segunda y Segunda División B: Primera RFEF. L'actual pasa a llamase Segunda RFEF y la Tercera, Tercera RFEF.
Los clubes asturianos van enfrentase na segunda fase a los del subgrupu A. Los clasificaos ente los 3 primeros van lluchar pol ascensu a Segunda; del cuartu al sestu, por entrar en Primera RFEF; y los 4 últimos, pola permanencia en Segunda RFEF.
La primera xornada del otru subgrupu del grupu van tener estos enfrentamientos: Racing Club Ferrol-Pontevedra, Guijuelo-Celta B, Coruxo-Zamora, Deportivo-Salamanca CF y Unionistas-Compostela.
Adxuntu | Tamañu |
---|---|
![]() | 282.58 KB |