Venti años de La Quintana

L'Asociación de Folclore Tradicional "La Quintana" de Xixón ta acabante de cumplir venti años nos que s'afitó como una de les instituciones más actives na recuperación de la música tradicional del país y tamién como un polu de difusión de lamesma, organizando ctividaes didáctiques n'escueles y institutos y llevantando, dende va cuatro años p'acá, una escuela de música tradicional que yá va formando a un bien de xente lo mesmo n'instrumentos que en baille y conocimientos básicos sobre folklore y cultura asturianos, organizando nel so día la primer olimpiada de deportes autóctonos. Con motivu d'esti aniversariu, La Quintana espón hasta'l día 14 d'esti mes una amuesa d'instrumentos musicales de la tradición asturiana. la esposición ta nel centru cultural del Altu Pumarín, en Xixón, y quien nun pueda dir a vela pue echa-y una güeyada na web del Gabinete d'Estudios Etnográficos na que collaboren
miembros de La Quintana. Como piesllea esta celebraación, el día 23 d'avientu, nel mesmu centru municipal, los alumnos de la Escuela de Música de La Quintana van dar el tradicional conciertu de Navidá