Valledor endurez el discursu

El portavoz del grupu parllamentariu d'IU na Xunta Xeneral del Principáu d'Asturies, Francisco Javier García Valledor, acusó al Gobiernu asturianu de tener una actitú de "represión" hacia la llingua asturiana. García Valledor dixo esto na rueda de prensa que dio xunta'l representante del Bloque de la Izquierda Asturiana, Rafael Palacios, que l'añu pasáu condenaron a pagar una multa de 600 euros por poner pegatines colos topónimos n'asturianu nunes señales que los teníen en castellanu na retonda d'El Fondón (Llangréu). Palacios aseguró que ni elli nin los otros que multaron aquel día piensen pagar la multa, y que van llevar l'asuntu a contenciosu alministrativu, en cuantes que lo que fixeron foi un actu cívicu en cumplimientu de la llei d'usu del asturianu, y non un ataque al bien públicuNa rueda de prensa los dos políticos dixeron que'l gobiernu fai propaganda, con campañes de cara pa la galería como la de los nomes n'asturianu pero que depués reprime sistemáticamente l'usu del idioma, incumpliendo l'espíritu y la lletra de la Llei d'Usu del asturianu de 1.998. Valledor dixo que l'usu del asturianu ta menguando n'alministración, criticando de pasu el que la web de la Xunta Xeneral namás tea en castellanu.