Valledor comprométese a cambiar la Llei d'Asturianía

El Conseyeru de
Xusticia y Rellaciones, FJ García Valledor, comprometiose ayeri en Colombres nel marcu de l'asamblea de la Federación Internacional de Centros
Asturianos (FICA) a revisar la llei d'Asturianía pa garantizar la igualdá de derechos ente los
asturianos emigrantes y los que viven n'Asturies. Valledor
solliñó qu'el Principáu tien d'atender a la falta de seguridá social y de servicios sanitarios que se da anguaño en bien de países d'América del Sur, onde se concentren los más de los emigrantes asturianos. Otra de les prioridaes que marca'l conseyeru na comprometía reforma de la llei va ser el estrenchar la rellación colos descendientes d'emigrantes, col aquello de que tengan simpre una puerte abierta pa volver a Asturies. Per otra parte, el Conseyeru anunció que va ellaborase un plan de la emigración asturiana pal trieniu 2.004 - 2.007 que cuenta con tener preparáu yá pa últimos d'esti añu.