V Nueite Celta de Xedré

La tarde y la nueite d'esti tien muncho que ver en Xedré, Cangas del Narcea.

Qué tien esti pueblu y la so xente, qu'anque tea no más profundu d'Asturies y tea un poco llonxe, sobre too pa los asturianos que viven nel centru d'Asturies, consigui llevar hasta ellí a un bon númberu de xente hasta la so nueite celta. N'Asturies.com creemos que la razón son les actividaes y los conciertos que puen vese ellí, y que vamos contar darréu.

Yá dende les cuatro la tarde vamos poder ver un Mercáu d'Artesanía de Cangas del Narcea, con madreñeiro, ferreiro, cesteiro, cerámica negra y otros productos de les manes de la xente de Cangas. Amás de ver y mercar artesanía, tamién podemos escuchar a les 17:30 hores unes charres del "Conceyu d'Estudios Etnográficos Belenos". Antón Sevilla va falar sobre les races autóctones asturianes y Berto Álvarez Peña sobre la mitoloxía del l.leite, conxuros, l.leendas ya tradiciones. A les 20:00 hores ye la hora de la "II Xuntanza Xeneral de la Xunta Pola Defensa de la L.lingua Asturiana nel occidente- Xunta Moza", un bon detella de los organizadores que nun escaecen les actividaes la revindicación llingüística nuna xornada de fiesta. La llingua asturiana tamién va tar presenta gracies a la II Esposición de l.libros n'asturiano occidental, y por si entra la fame, qu'entrará, l'asociación "Las Xanas" va tener dellos puestos pa quedar bien fartucos/es.

Pela nueche llega la música con grupos folk, bandes de gaites, grupos de baille y cantantes solistes. La banda de gaites "Xiranda" da-y el primer toque musical a la nueche pa siguir colos cantares de Concha Tresmonte, María y Arcides de Trabao. Y como yá ye costume nun va faltar la voz de Marta Arbas. Pa les 22:30 entamarán los grupos folk qu'esti añu son cuatro. "Briganthya" dende Euskadi, grupu que yá pudimos ver per Asturies nel concursu de Folk Cuartu los Val.les de Navelgas. John Mc Sherry, tríu irlandés llideráu por esti gaiteru, na semeya d'esta noticia podéis ver al gaiteru (a la derecha) n'Asturies acompañáu por dos famosos músicos asturianos va varios años. "N'Arba" bien conocíos pol públicu asturianu, y que según pudimos saber y yá tan preparando un nuevu discu pa esti inviernu. Y otros clásicos de Xedré van zarrar la nueche, "Dixebra".